Jus Post Bellum: ომის დასრულება და ომების კარგად დასრულება
3.5 hour module
ამ მოდულის შესახებ
ამ მოდულის თემაა კავშირი ომში გამარჯვებასა და მშვიდობაში გამარჯვებას შორის, და ის, თუ როგორ და რატომ არ იწვევს ერთი ყოველთვის მეორეს.
მოდულის ლექტორები
სექცია 1: როგორ მთავრდება ომები?
რას ნიშნავს ომში გამარჯვება? საიდან გავიგოთ, რომ გამარჯვება მიღწეულია? რას ნიშნავს გამარჯვება? როგორ უნდა მოექცეს ბრძოლაში გამარჯვებული არმია მათ, ვინც ახლახან დაამარცხა? და რა მოვალეობა აქვს ამავე არმიას იმ საზოგადოების მიმართ, რომლის არმიაც დაამარცხა? მოდულის შესავალი ამ კითხვებს განიხილავს.
სექცია 2: Jus Post Bellum
კითხვის „რას ნიშნავს ომში გამარჯვება?“ ნორმატიულ ასპექტთან მუშაობის ძირითადი ჩარჩო სამართლიანი ომის ტრადიციის ერთ-ერთი სფეროა, რომელიც jus post bellum - ომის შემდგომი სამართლიანობის სახელითაა ცნობილი. ამ ქვემოდულის მიზანია ამ ჩარჩოს ძირითადი მახასიათებლების გაცნობა.
სექცია 3: Jus Post Bellum - გამარჯვებულთა პასუხისმგებლობები
რა მორალური პასუხისმგებლობები აქვთ გამარჯვებულებს დამარცხებული საზოგადოების მიმართ ომის დასრულების შემდეგ?
სექცია 4: გამარჯვებასთან მიახლოება
ვიფიქრებდით, რომ როცა ომი დასასრულს უახლოვდება და ერთი მხარე სიტყვის ტრადიციული გაგებით „აგებს“, ბრძოლა მცირდება. ხშირად ასე არ ხდება. ეს სექცია განიხილავს ამერიკის სამოქალაქო ომის დასრულებას და ომის დასრულების სხვადასხვა გზის მომხრე და მოწინააღმდეგე არგუმენტებს.
სექცია 5: სრული გამარჯვება - მეორე მსოფლიო ომი და ატომური ბომბი
ამერიკის შეერთებული შტატების მთავრობის გადაწყვეტილება, გამოეყენებინა ატომური იარაღი იაპონიის წინააღმდეგ მეორე მსოფლიო ომის დასასრულებლად, შესაძლოა კაცობრიობის ისტორიაში ომის დასრულების ყველაზე ხშირად განხილული დებატია. აშშ-ის გადაწყვეტილებამ გადალახა ეთიკური, სტრატეგიული და პოლიტიკური ზღვრები და ომის ახალი ერა დაიწყო. გადაწყვეტილებამ ომისშემდგომი მოწყობაც ისე ჩამოაყალიბა, რომ დღემდე აქვს გამოძახილი.
სექცია 6: დაბინდული გამარჯვება
1991 წლის სპარსეთის ყურის ომს საერთაშორისო კოალიცია აწარმოებდა საადამ ჰუსეინის ერაყის წინააღმდეგ. ეს სექცია მიმოიხილავს საკითხებს, რომლებიც რეალურ ომისშემდგომ სიტუაციებში წარმოიქმნება.
სექცია 7: კონფლიქტისშემდგომი დილემები
ეს სექცია განიხილავს პრაქტიკულ და ეთიკურ დილემებს, რომლებსაც ჯარისკაცები აწყდებიან ოკუპირებულ მოსახლეობასთან და ადგილობრივ პარტნიორებთან ურთიერთობისას.
სექცია 8: Post Bellum და მოსახლეობა
რა მოვალეობა აქვს გამარჯვებულ არმიას იმ საზოგადოების მიმართ, რომლის არმიაც ახლახან დაამარცხა? ეს ბოლო სექცია განიხილავს, როგორ უნდა მოეპყრონ ადგილობრივ მოსახლეობას და რა დილემებს აწყდება ამ დროს გამარჯვებული მხარე.